Futbol zelaietarako drainatzea
Baloia da uda honetako erabateko protagonista, dudarik gabe. EURO2024 UEFAk, ondoren Amerika Kopak eta Parisko Olinpiar Jokoek momentuko figuretan ez ezik, partidak jokatzen diren lekuetan ere jartzen dute fokua.
ULMA Architectural Solutionsen badakigu partida arin eta seguru jokatzeko funtsezkoa dela futbol zelaia baldintza perfektuetan egotea. Gure drainatze soluzioak funtsezkoak izan dira hainbat jokaleku hornitzeko, futbolarien ardura nagusia partidak irabaztea izateko, garrantzitsuena hori baita. Ez dago ezer okerragorik zelaiaren egoerak emaitza baldintzatu izana edo partidako kroniketan zelaian zeuden putzuez hitz egin izana baino. Ezagutu nola hobetu diren futbol zelaiak mundu osoan gure soluzio berritzaileei esker, izan ere, gure soluzioei esker bermatzen da euria aurkari ez izatea inoiz ere ez.
Soluzio hauetakoren bat nahi baduzu zure taldean, kontsultatu hemen.
Horrela, bada, eta futbolaren argot erabiltzeko lizentzia hartuta, futbol zelaietarako drainatze soluzioetan dugun talde titularra aurkeztuko dizuegu:
MRV Arena Brasilen
Brasilgo estadio moderno honetan, ur jauzi erako drainatze kanalak instalatzea aukeratu genuen, ur bolumen handiak kudeatzeko gai baitira, uholdeei aurrea hartuta eta zelaia modu politean jokatzeko moduko baldintza ezin hobeetan mantenduta.
Jose Zorrilla Valladoliden
Estadio enblematiko honetan, drainatze sistemaz gain, instalazio elektrikorako kanalizazio linea bat eta telekomunikazio kableetarako beste bat hornitu ziren.
Horretarako, 200eko zabalera, tapa itsua eta Rapidlock itxiera azkarra dituzten MULTIV+ kanalak instalatu genituen; Rapidlock sistemari esker, klik batean ireki eta itxi dezakezu tapa, tresnarik erabili beharrik gabe.
Horrela, errazagoa da partida bat telebista bidez emateko prestaketa lanetarako kable sistema instalatzea.
Gijongo Sportingen zelaia Asturiasen
SU100.18R kanalen 700 metro lineal ezarri genituen, sareta galbanizatuarekin, estadioa drainatzeko soluzio sendo eta eraginkor bat emanda, drainatzea ezinbestekoa baita kirola edozein baldintza klimatikotan egiteko.
Eibar taldearen Ipurua zelaia Gipuzkoan
Ipurua sinbolo bat da Eibarzale guztientzat, eta Gipuzkoan gaudenez, ilusio berezia egin zigun haiek ULMAra jo izanak zelaiaren drainatze sistemarako.
Sport gamako kanalak jarri ziren, ertz biribilduarekin, zelaiari hobeto eusteko. Kasu honetan SU200 kanalen 230ML instalatu ziren. Atxabalpe entrenamendurako zelai gehigarrian ere multiV+ kanalen 20ML hornitu genituen, sareta galbanizatuarekin eta takoia sartzea eragozten duen diseinuarekin, futboleko botetarako aproposa baita.
FC Bartzelona Katalunian
Civil S drainatze sistemaren 400 ml kanal ere hornitu genituen Bartzelona Futbol Klubaren instalazioetako sarrera nagusirako. Kanalizazio optimo baten aldeko apustua askotan jokalekutik harago doa.
Beira-Rio estadioa Brasilen
URBAN U150 eta SELF200 kanalak instalatu genituen, altzairu galbanizatuzko saretarekin, 2014ko Munduko Txapelketako eskakizun zorrotzetara egokituta, munduko kirol ekitaldi garrantzitsuenetako batean zelaian ura pilatuko ez zela ziurtatzeko.
Gatomortoren zelaia Galizian
Sport gamako SU200 kanaleko 250 metro erabili genituen, belar artifizialeko zelaietarako bereziki diseinatuak, zelaiari hobeto eusteko, eta drainatze sistema optimizatzeko, ur putzuak sortzea ekiditeko.
Caen taldearen estadioa Frantzian
Estadio historiko honetan, polimero hormigoizko MultiV+ drainatze sistema erabili genuen, euri urak kanporatzea optimizatzeko eta mantentzea errazagoa izatea bermatzeko. V forman duen diseinuari esker, uraren abiadura handiagoa da, sistemaren errendimendua hobetzen da eta instalazio eta mantentze lanen kostuak txikitzen dira, autogarbiketa efektua eta RapidLock finkapen azkarreko sistema baititu.
Proiektu horiek dira proiektu bakoitzerako drainatze soluzio egokiak eskaintzen saiatzen ari garen erakusgarri. ULMA Architectural Solutionsen ustez, zelaian arrakasta izateko gakoa da drainatze on bat izatea, eta harro gaude hori posible egiten duen azpiegituraren parte izateagatik.
Ez zaitez jokoz kanpo geratu: kontsultatu zure proiektua gure departamentu tekniko-komertzialarekin, eta aholkularitza pertsonalizatua emango dizute.
