Jolasei eta barreari buruz
Gaur azalduko dizut zergatik Multi V+ kanalarekin ura azkarrago drainatzen den, baina, aurretik, utzidazu barreari eta jolasari buruzko hausnarketa bat kontatzen.
Begira, duela gutxi barreterapiako tailer batera joan nintzen.
Bai, nire ustez barrea da gure bizitzetan sartu behar dugun gauzarik garrantzitsuenetako bat, gure osasunerako dauzkan onura guztiengatik.
Eta nire bizitza barre gehiagoz bete nahi nuenez, tailer horretara joatea erabaki nuen.
Ikasi nuen jolasa dela barre egitea lortzeko biderik azkarrena.
Baina ez edonola jolastuta, baizik eta bete-betean eginda, haurrek egiten duten moduan edo igerilekuan murgiltzen zarenean eta uretatik kanpo dagoen guztia existitzen ez dela sentitzen duzunean bezala.
Horrela bakarrik lortzen duzu denbora gelditzea eta uneaz benetan disfrutatzea, eta barre asko eta asko egin dezakezu, gainera.
Era guztietako jolasak eta jostailuak daude barre egiteko, eta John Adamsek, gaur kontatuko dizudan proiektua duen jostailu konpainiak, asko daki horretaz. 50 urte baino gehiago daramatzate haurrentzako joko berritzaileak garatzen.
Rummikub joko ospetsua edo are ezagunagoa den Rubiken kuboa haiek garatu zituztela jakin nuenean, oso harrituta geratu nintzen.
Cambridgeshireko industria gunean, zehazki Alconburyn, John Adams jostailu enpresak biltegi bat du, non, kanpoko aldean eta aparkalekuan, Multi V+ kanaleko 200 ml instalatu diren, D400 karga klasearekin, eta, hasieran aipatu dizudan bezala, kanal horrek euri ura azkarrago drainatzen du.
Zergatik lortzen dute hori?
Drainatze proiektu bat baduzu esku artean eta kostu optimizatua duen kanalik hoberena zein den jakin nahi baduzu, jarri gurekin harremanetan hemen.
Izan ere, bere diseinua optimizatu egin da, eta, beraz, neurri txikiagoko kanal bat aukeratu daiteke, hau da, kanal merkeago bat aukeratu daiteke, baina neurri handiagoko kanal batek drainatzen duen ur kantitate bera drainatzen duena. Horrela, obra edo proiektuaren kostua optimizatzea lortzen da.
Baina kontua ez da hemen amaitzen. Eredu horren V formak, ura abiadura handiagoan drainatzen duenez, ahalmen handiagoa du kanal barruan metatzen diren sedimentuak arrastatzeko. Horrela, autogarbiketaren efektua lortzen da.
Baina zertan egiten dio mesede horrek drainatze sistemari?
Mantentze lan gutxiago beharko du, eta garbiketa lanetan gutxiago gastatuko da.
Izan ere, V formari esker hau lortzen da:
- Abiadura handiagoa emari txikiarekin
- Edukiera handiagoa muturreko emarietan
Hori horrela da multiV+ kanalaren V sekzioa birdiseinatu dugulako, eta merkatuan dauden ohiko V sekzioak baino handiagoa delako.
Kanal horiek are abantaila gehiago dituzte, baina beste egun batean kontatuko dizut; nik uste dut barreaz eta jolasaz kontatu dizudana praktikan jartzeko garaia dela. Estresa kentzen, gure gorputza oxigenatzen, endorfinak askatzen eta, azken batean, zoriontsuago egoten lagunduko digu.
