Silvertowneko tunela: Konektagarritasuna birdefinitzen, drainatze sistema adimendunagoak erabiliz
Londresen etengabeko hazkundeak aukerak ekartzen ditu, baina baita erronkak ere, batez ere jasangarritasunari eta trafikoaren gestioari dagokienez. Silvertowneko tunela Blackwalleko tunelaren auto pilaketa murrizteko eta Tamesis ibaiaren iparraldeko eta hegoaldeko ertzen artean lotura arina eskaintzeko diseinatu da. Trafikorako irtenbidea ez ezik, ingeniaritza modernoaren eta etorkizun jasangarriago eta adimentsuago batekin dagoen konpromisoaren erakusgarri ere bada.
Uraren kudeaketa eraginkorra arrisku handiko eremuetan
Garrantzi handiko proiektuetan, hala nola Silvertowneko tunelean, non trafikoa dentsoa den eta klima aurreikus ezina, funtsezkoa da drainatze sistema ona izatea. Drainatze eskas batek uholdeak eragin ditzake, eta prozesuak eta eragiketak eten, bai eta azpiegitura ahuldu ere. Hori saihesteko, proiektuan azken belaunaldiko drainatze sistemak erabili dira. Erresistentzia handiko kanal monolitikoek tunela beti seguru, operatibo eta erresistente izatea bermatzen dute.
ULMA Kompaqdrain®-CIVIL: errendimendurako diseinatua
Drainatze sistema honen nukleoan ULMA Kompaqdrain®-CIVIL 150 kanala dago. Sareta integratuta dauka eta pieza bakarreko diseinu sendoa du, eta horri esker karga zorrotzenak jasaten ditu (gehienez F900). Bere diseinu kurbatu optimizatuak eta MAX-FLOW® sistema patentatuak uraren fluxua bizkortzen dute, eraginkortasuna hobetuta eta efektu autogarbitzailea sortuta. Hori dela-eta aproposa da lur lauetan edo zikinkeria metatzeko joera duten eremuetan erabiltzeko. Gainera, bere diseinuak mantentze beharrak minimizatzen ditu eta operadoreei denbora eta baliabideak aurrezten dizkie.
Sistemak ikuskapen elementuak eta hustubide unitateak ditu barruan, mantentze lanak errazteko eta epe luzera errendimendu optimoa bermatzeko. Unitate horiek garbitzeko eta mantentzeko sarbide erraza bermatzen dute, jarduerarik gabeko denborak murriztuta. Kanalak alboko aurreformak ere baditu irteera horizontaletarako eta T, L eta gurutze formako konexioetarako; horrek ziurtatzen du Silvertowneko tunelaren behar espezifikoetara egokitzen dela.
Jasangarritasunerako urratsa
Zertan ari zara lanean? Zure proiekturako soluzio hoberena nahi baduzu, jarri gurekin harremanetan.
Silvertowneko tunela garraio proiektu bat baino gehiago da; Londres jasangarriago egiteko aurrerapauso bat da. Autobusetarako eta karga astuneko ibilgailuetarako errei esklusiboak dituenez, garraio kolektiboa sustatzen du eta emisioak murrizten ditu. Etorkizuneko autobus ibilbide guztiek zero emisioko ibilgailuak erabiliko dituzte, ingurumen inpaktua are gehiago murriztuta.
Silvertowneko tunelak Tamesisen bi ertzak ez ezik pertsonak eta aukerak ere lotzen ditu. Ingeniaritza aurreratua eta jasangarritasuna uztartzen dituenez, azpiegitura adimentsu eta garbiagoetarako beste erreferente bat da munduko hiri dinamikoenetako batean.
