Irauteko pentsatutako birgaikuntza
Bizitza da bidean zehar erronkak jartzen dizkigun maistra bat; beraz, ikasi egin behar dugu edo, bestela, ez dugu aurrera egingo.
Egia handia da hau, eta tristea da, baina ez gara horretaz konturatzen heldutasunera iritsi arte.
Jokoaren arauak ulertu dituzten pertsonek ikasten dute aurrea hartzea dela beren bideak erakutsi dien ikaskuntzetako bat.
Gogoeta hori Salvador Navarro Gilekin hitz egin ondoren sortu da. Hura da aurkezten dizudan proiektuaren birgaitzeaz arduratu den arkitektoa.
Aguamarina eraikina Gandian.
Eraikina hondartzako lehen lerroan dago. Kokapen pribilegiatu horrek ere baditu bere eragozpenak. Bistak zoragarriak dira, baina itsas giroaren gazitasuna eta eguraldi txarra dira eraikinaren iraunkortasunerako negatiboak diren alderdiak.
Birgaitze horri ekiteko orduan planteatutako helburu garrantzitsuenak izan dira, batetik, askatzen ari ziren pieza hondatuak ordezkatzea, eta, bestetik, forjazko aurrealde berriak modu errazean desmuntatu ahal izatea, ondorengo konponketak errazago egiteko eta forjatuak gaur egun konpondu ahal izateko ere bai.
Horretaz ari naiz arazoei aurrea hartzea esaten dudanean. Jakinda etorkizunean forjazko ertzen bat gehiago konpondu beharko dela, hobe da aurreikusita edukitzea eta desmuntatzeko prozesu erraz bat definitzea, horrek etorkizunean denbora eta kostua aurreztuko ditu eta.
Salvadorrek urte asko daramatza eraikinak birgaitzen, eta pieza berrien materialaren aukeraketa izan da kontuan hartu duen lehen gauza. Stoneo material ez-porotsua da, eta ia ez du batere urik xurgatzen; beraz, material ezin hobea da itsasoaren ondoko inguruneetarako. Ez gazitasunak eta ez hezetasunak ere ez diote eragiten, eta, beraz, piezek zahartze duina eta inbidiagarria dute.
Baina, gainera, elementu aurrefabrikatu horiek ez dute barruko armadurarik, eta horrek karbonatazioaren arazoa saihesten laguntzen du.
Aguamarina eraikinean, forjatuen armaduren oxidazioak eragin zuen karbonatazioa. Elementu metalikoen oxidazio horren ondorioz, elementuen inguruko materiala puzten da eta piezaren gunerik hauskorrena, erdiko gunea, askatu eta erori egiten da.
Hemen gaude zure hurrengo proiektuan aholkatzeko; klik besterik ez duzu egin behar.
NEURRIRA EGINDAKO DISEINUA ETA INSTALAZIO SISTEMA
Hori da ULMAren indarguneetako bat. Proiektu guztietan, pieza ordezkatu beharra dagoen eta zer pieza mota ordezkatu behar den aztertzen da lehenik eta behin.
Pieza neurrira diseinatzen da, eraikinaren morfologia kontuan hartuta.
Aguamarina eraikinak kurba batzuk ditu fatxadaren alboetan, eta piezak forma konkabo eta konbexuetara egokitu behar direnez, horrela diseinatu ziren beharrezkoak ziren pieza guztiak. Jatorrizko eraikinean, piezek forma biribilagoa zuten. Birgaitzeko, forjatuak babesteko balio duten 2 pieza diseinatu dira. Horretarako, Z forma luzanga duen aurrealde bat erabili da, bukaeran multzoa estaltzen duen isurki bat duela.
Zerbitzu teknikoak, gainera, instalazio sistema bat eskaini du proiektu honetarako, arkitektoak eskatuta, zeinaren bidez piezak profil metaliko bikoitzeko azpiegitura batetik zintzilikatu ahal izan diren, forjazko ertzera torlojututa.
Aurrefabrikatuen Dossierra deskargatu
ULMAn, 25 urte daramatzagu eraikinak birgaitzen, eta badakigu ez dagoela trikimailu magikorik. Gure materialaren kalitateak berak dena esaten du, eta eskaintzen dugun zerbitzu teknikoa zein aholkularitzakoa eta urte hauetan egindako proiektuak dira gure aurkezpen gutunik onena.
FITXA TEKNIKOA:
- SUSTATZAILEA: AGUAMARINA ERAIKINEKO JABEEN ERKIDEGOA
- ERAIKITZAILEA-BIRGAITZAILEA: CONSTRUCCIONES GOMUÑOZ SL
- ARKITEKTOA: SALVADOR NAVARRO GIL
- AZALERA: 500 ml inguru, 2 piezetako mota bakoitzeko.
- PIEZA, KOLOREA: 2 pieza mota: Y-22 isurkiak eta neurrira egindako forjazko aurrealdeak, dena kolore zuri hautsian.
- KOKALEKUA: NEPTUNO ISTAS Pasealekua, 98. GANDIAKO HONDARTZA.
